Nıderlandta velosıped mingen bir top mektep oqýshylaryn kólik qaǵyp ketti
ASTANA.KAZINFORM - Nıderlandtyń ońtústiginde kólik velosıped teýip serýenge shyqqan birneshe mektep oqýshysyn qaǵyp ketti, saldarynan úsh bala men bir eresek adam qaza tapty, dep habarlaıdy AP.
Oqıǵa Amsterdamnan shamamen 200 shaqyrym jerde ornalasqan Fogelvarde shaǵyn qalasynyń mańyndaǵy ferma egistikteri arasyndaǵy aýyldyq jolda boldy.
Oqıǵa ornynda eki bala men bir eresek adam qaza boldy. Tórt bala aýyr jaraqat alyp, emdelý úshin Nıderland pen kórshiles Belgııadaǵy aýrýhanalarǵa jetkizildi. Keıinirek olardyń biri beısenbi kúni keshke Rotterdamdaǵy aýrýhanada qaıtys boldy.
Qaıtys bolǵandar men jaraqat alǵandar 14 mektep oqýshysy men birge júrgen eki eresek adamnan turatyn top músheleri.
Polıtsııa oqıǵaǵa qatysy bolýy múmkin 19 jastaǵy er adamdy ustady. kólikti naqty onyń basqarǵany belgisiz.
Polıtsııa oqıǵanyń sebebin tergep jatyr. BAQ-ta jarııalanǵan fotosýrette aldyńǵy áınegi synǵan jáne kapoty zaqymdalǵan kólik jol janyndaǵy egistikte turǵany kórsetilgen.
Nıderlandta mundaı oqıǵalar velosıped ınfraqurylymynyń jaqsy damyǵandyǵy jáne kúndelikti ómirde velosıpedterdiń keńinen qoldanylýynan sırek kezdesedi.
Buǵan deıin Almatyda kólik bes jaıaý júrginshini qaǵyp ketkenin habarlaǵan edik.
