Nıderlandta saılaýdyń bastapqy nátıjesi jarııalandy
ASTANA. QazAqparat - Nıderland premer-mınıstri Mark Rıýtteniń ońshyl lıberaldyq Azattyq jáne demokratııa úshin halyq partııasy (ADHP) parlament saılaýynda jeńiske jetti dep habarlaıdy euronews.com .
Bastapqy nátıjege súıensek, Rıýtteniń ortalyqońshyldary parlamenttegi 150 orynnyń 31 mandatyn ıelenedi, al olardyń basty qarsylastary ýltraońshyldar - Gert Vılderstiń Azattyq partııasy 19 mandatty ıelendi.
Qazirgi ýaqytta Nıderland zań shyǵarýshy organynda ADHP 41 orynǵa ıe.
Saılaýda úshinshi orynda - «Jasyl solshyldar» qazirgi Rıýtteniń basqarýshy koalıtsııasynyń seriktesteri 16 depýtat mandatyn ıelendi (eger saılaý málimetteri ózgermese), tórtinshi orynda - 14 mandaty bar Sotsıalısttik partııa tur. Al budan az nátıjege ıe bolǵan partııalar qalǵan mandattardy aldy.
Saılaýdyń resmı qorytyndysy birneshe saǵattan keıin belgili bolady dep kútilýde.
Elde basqarýshy koalıtsııany qalyptastyrý úshin depýtattardyń basymdyǵy qajet (76 mandat), al qazir koalıtsııa jasaqtaýǵa keminde 4 partııa tartylady. Bul gollandtar úshin aldaǵy ýaqytta kúrdeli kelissózderdiń kútip turǵanyn bildiredi.
Saılaýǵa qatysýshylar sany joǵary- 81 %, 2012 jyly bul kórsetkish 73 % bolǵan.
