Nıderlandta parlament saılaýyna daýys berý bastaldy
ASTANA. QazAqparat - Sársenbide, 15 naýryz kúni Nıderlandta jergilikti ýaqytpen túngi on ekide alǵashqy saılaý ýchaskeleri ashyldy. Elde parlament saılaýy ótip jatyr, dep habarlaıdy dw.com .
Soltústik Gollandııanyń Kastrıkıým qalasynda vokzaldaǵy gúl satatyn dúńgirshekte ornalasqan saılaý ýchaskesinde daýys berýge bolady. Sonymen birge, túngi on ekide bastap, Amsterdamda mýzyka festıvali ǵımaratynda saılaý ýchaskesinde daýys berýge bolady, dep jazdy dpa.
Ýchaskelerdiń kópshiligi jergilikti ýaqytpen saǵat 7:30-da ashylady jáne 21:00-ge deıin jumys isteıdi. Bes saǵattyq aıyrmaǵa baılanysty Nıderlandtyń aıryqsha qaýymdastyqtary bolyp tabylatyn Karıb teńiziniń Boneır, Sınt-Estatıýs jáne Saba araldarynda daýys berý ýaqyttary basqasha bolyp belgilengen.
Saılaýda Gert Vılders jetekshilik etetin Azattyq partııasy men premer Mark Rıýtte basqaratyn Bostandyq pen demokratııa úshin halyq partııasy jeńiske jetýge múmkindigi mol basty úmitkerler bolyp otyr.
