Nıderlandta nemis oqýshylary tıelgen avtobýs aýdarylyp qaldy
ASTANA.KAZINFORM — Dúısenbi kúni Nıderland shyǵysyndaǵy Gelderland provıntsııasynda týrıstik avtobýs jol apatyna ushyrady. Avtobýs germanııalyq mektep oqýshylaryn tasymaldaǵan, dep habarlaıdy Kazinform agenttiginiń EO-daǵy tilshisi.
Jergilikti BAQ pen polıtsııanyń habarlaýynsha, nemis kompanııasynyń aýstrııalyq nómirli týrıstik avtobýsy soqtyǵysýdan keıin joldan shyǵyp ketip, qorshaýǵa soǵylyp, bir búıirine qaraı aýdarylyp qalǵan. Apat saldarynan kólik ekige bólinip ketken.
Avtobýsta 50-ge jýyq adam bolǵan. Kópshiligi, mektep oqýshylary. Aldyn ala berilgen málimet boıynsha, segiz adam jaraqat aldy. Ásirese synǵan áınek tilip ketip, jaralanǵandar kóp. Órt sóndirýshilerdiń kómegimen avtobýstaǵy barlyq jolaýshy evakýatsııalandy.
Oqıǵa ornynda kóptegen qutqarý qyzmeti jumys istep jatyr.
Apattyń naqty shyǵý sebebi ázirge belgisiz. Bir nusqa boıynsha, avtobýs fýrgonnyń artqy jaǵyna soǵylyp, júrgizýshi kólikti basqara almaı qalǵan.
Buǵan deıin Ýgandada mektep avtobýsy apatqa ushyrap, 20 oqýshy mert bolǵan edi.
