Nıderlandyda qoldan ósiriletin et fermasy ashyldy
ASTANA. KAZINFORM — Nıderlandtyń Shıpleıden qalasynda álemdegi alǵashqy qoldan et ósiretin ferma ashyldy. Kásiporynda janýarlar soıylmaıdy, dep jazady NL Times.
Fermada et janýar tininen alynǵan úlgi negizinde bıoreaktorlarda ósiriledi. Arnaıy rezervýarlarda qajetti temperatýra, qorektik zattar men ottegi deńgeıi rettelip otyrady. Qazirgi ýaqytta qondyrǵy synaq kezeńinde jumys istep tur.
Jobaǵa South Holland provıntsııasy 500 myń eýro ınvestıtsııa bóledi. Ázirge qoldan ósirilgen etti European Union aýmaǵynda satýǵa ruqsat joq. Fermerlerdiń aıtýynsha, mundaı ónim dástúrli mal sharýashylyǵyn almastyrmaıdy, tek qosymsha qyzmet baǵytyna aınalady.
Qazir mamandar óndiris júıesin synaqtan ótkizip, onyń shyǵyndary men óndiristik kólemin baǵalap jatyr. Al tolyqqandy jumys isteıtin fermany 2028 jylǵa qaraı iske qosý josparlanǵan.
Aıta keteıik, Qazaqstan Indonezııaǵa et, et konsevileri men astyq eksportynyń kólemin arttyrmaq.
