Nıderlandta gaz qorlary tarıhı mınımýmǵa deıin jetti

ASTANA. KAZINFORM — Nıderlandtaǵy gaz qoımalary tek 11 paıyzǵa ǵana tolǵan. Buǵan deıin mundaı tómen kórsetkish eshqashan tirkelgen emes, dep habarlaıdy AZERTADJ.

Gasunie kompanııasynyń ókili NU.nl basylymyna bergen suhbatynda qazirgi ýaqytta gaz qorlary tarıhı tómen deńgeıge túskenin rastaǵan.

AGSI málimetteri boıynsha, basqa Eýropa elderinde gaz qoımalary shamamen 30 paıyzǵa ǵana toltyrylǵan kórinedi.

Gasunie kompanııasy málim etkendeı, qazirgi kezde gaz naryǵynda jaǵdaı turaqty.

— Gaz turaqty túrde jetkizilip otyr, al baǵalar, tipti, sál tómendep keledi, — deıdi kompanııa ókili.

Gaz Nıderlandqa ártúrli marshrýttar arqyly jetkiziledi. Bul rette el óz gazyn óndirýdi jalǵastyryp otyr. 

Sonymen qatar, gaz Belgııa men Frantsııa arqyly tasymaldanady. Buǵan qosa, suıytylǵan tabıǵı gaz teńiz jolymen turaqty túrde jetkiziledi, onyń ishinde AQSh pen Taıaý Shyǵys elderinen.

Osyǵan deıin Nıderlandta turǵyn úı baǵalary qańtar aıynda rekordtyq kórsetkishke jetkenin jazǵanbyz.