Nıderlandta dızel otynynyń baǵasy rekordtyq deńgeıge jetti
ASTANA. KAZINFORM — Nıderlandta dızel otynynyń ortasha usynylǵan baǵasy rekordtyq deńgeıge jetip, bir kúnde 10 eýrotsentke qymbattap, lıtri 2,79 eýrony qurady. Bul týraly BELTA jazdy.
UnitedConsumers tutynýshylar uıymynyń málimetinshe, dızel baǵasynyń ósý qarqyny qazir benzınge qaraǵanda joǵary. Sarapshylar muny Eýroodaqtaǵy dızel otynynyń ımportqa táýeldiligi benzınmen salystyrǵanda áldeqaıda joǵary bolýymen túsindiredi.
Baǵanyń kúrt ósýine baılanysty shamamen 50 júk kóliginiń júrgizýshisi narazylyq aktsııasyn ótkizdi. Olar eldiń soltústigindegi avtomagıstral boıymen shamamen 20 km/saǵ jyldamdyqpen júrip, bılik nazaryn máselege aýdaryp, qoldaý sharalaryn talap etti.
Naýryzdyń sońy men sáýirdiń basynda AQSh pen Izraıldiń Iranǵa qarsy áskerı operatsııalary jáne Ormýz buǵazyndaǵy keme qatynasynyń buzylýy aıasynda Eýropada janarmaı baǵasynyń kúrt ósýi baıqaldy.
Buǵan deıin Eýropada áýe otyny baǵasy rekordtyq deńgeıge jetkenin jazdyq.
