Nıderlandta daýyl saldarynan 400-den astam áýe reısi toqtatyldy

AMSTERDAM. QazAqparat – Aýa raıynyń qolaısyzdyǵyna baılanysty halyqaralyq Shıphol (Amsterdam) áýejaıynda 400-den astam reıs toqtatyldy. Avtokólik, avtobýs jáne temirjol qatynasy buzyldy. Bul týraly «QazAqparat» Euronews agenttigine silteme jasap habarlaıdy.

Nıderlandta «Polı» daýyly kúsheıip tur. Harleme qalasynda bir adam qaza tapty: kúshti jelden áıel adam otyrǵan kólikke aǵash qulaǵan. Oqıǵa ornyna jetken medıtsına qyzmetkerleriniń qyzmetine qaramastan, jolaýshy oqıǵa ornynda mert boldy.

Koroldiktegi birqatar provıntsııada aýa raıy qaýpiniń eń joǵarǵy «qyzyl» dárejesi engizildi. Sársenbi kúni nóser aralasqan jeldiń kúshi saǵatyna 130 shaqyrymǵa jetti. Turǵyndarǵa asa qajet bolmaǵan jaǵdaıda úıden shyqpaýǵa jáne saparlaryn keıinge shegere turýǵa keńes beráldi.

Qolaısyz aýa raıy kólik qatynasyn buzdy: kóptegen avtomagıstraldar, ásirese eldiń soltústiginde jabyldy. Soltústik Gollandııa men Flevoland provıntsııalarynda joldarǵa tal qulap, poıyzdardyń qozǵalysy toqtatyldy.

Teńizde eki keme daýylǵa tap boldy. Olardyń biri batyp ketti, ekıpajy qutqaryldy. Shıphol áýejaıynda tórt júzden astam reıs toqtatyldy, onyń ishinde Parıjge, Brıýsselge qatynaıtyn reıster bar.

«Jel men jaýynnyń ekpini kúshti bolǵandyqtan jáne kóriný nasharlaǵandyqtan, 5 shildede 9:00-den 16:00-ge deıin áýe qozǵalysy shekteldi. Keıingi jańalyqtardy baqylap otyryńyzdar», - dep habarlady áýejaı basshylyǵy Twitter-de.

Avtobýs qozǵalysynda da irkilis baaıqaldy.