Nıderlandta COVID-19-ben baılanysty jaǵdaı ońalyp keledi -dárigerler
BRıÝSSELЬ-GAAGA. QazAqparat – Nıderlandydaǵy koronavırýsqa jasalǵan synaqtardyń oń kórsetkishi 30 qazan kúni 11 myńnan assa, senbi kúni, ıaǵnı 31 qazanda bul kórsetkish quldyrap, 10 myń adamdy qurady.
Osyǵan baılanysty Nıderlandtyń qoǵamdyq densaýlyq saqtaý ulttyq ınstıtýty RIVM elde koronavırýs pandemııasynyń turaqtanýynyń keıbir belgileri bar dep sanaıdy, dep jazady QazAqparat.
31 qazanda RIVM ınstıtýty Nıderlandy turǵyndaryn COVID-19 vırýsyna tekserip, 9839 oń nátıje anyqtaǵan.
Bul rette Rotterdam qalasynda – 641, Amsterdamda – 559, astanasy Gaagada – 375 jáne Ýtrehtte 216 jaǵdaı anyqtaldy. Nıderlandyda bir apta ishinde 70 myńnan astam oń test tirkelgen. Pandemııa 2020 jyldyń aqpan aıynda bastalǵannan beri eldiń 351 000-nan astam turǵyny qaýipti ınfektsııamen aýyrdy. Sońǵy táýlikte koronavırýstan qaıtys bolǵandar sany 51-ge kóbeıdi.
30 qazanda COVID-19 vırýsymen naýqastanǵandar sanynyń ósimi 11 141-ge jetkenimen, bul aldyńǵy kúndermen salystyrǵanda 865-ke kóp boldy. Osy sebepti dárigerler jaǵdaıdyń ońalyp kele jatqanyn óte saqtyqpen aıtady. Olardyń oıynsha, sońǵy alty kúnde qoǵamdyq densaýlyq saqtaýdyń borttyq kompıýterlik júıelerinde eki ret problema týyndaǵan. Bul eki apta buryn engizilgen ishinara oqshaýlaýdyń áserin obektıvti baǵalaýdy qıyndatty.
«Múmkin, osy sebepti ósý týraly habarlamalar ádettegiden kóp bolýy múmkin. Sonymen qatar densaýlyq saqtaý komıtetteri de testileýdi kúsheıtti, biraq oń synaqtardyń sany turaqty bolyp qaldy. Bul jaqsy nátıje. Endi biz tek erejelerdi saqtaýymyz kerek», – dedi Nıderlandy Ulttyq medıtsınalyq ortalyǵynyń ókili.
«Bul tendentsııanyń qanshalyqty saqtalatynyn aldaǵy kúnderde kóremiz», – dedi Nıderlandy LNAZ aýrýhanasyna jedel kómek kórsetý qaýymdastyǵynyń basshysy Ernst Keıpers.
Nıderlandy premer-mınıstri Mark Rıýtte úkimet buryn engizgen karantındi qataıtý sharalary oń nátıje berdi me, joq pa dep aıtýǵa áli erte ekenin aıtty.
«Aldaǵy kúnderi biz testileý nátıjeleri men aýrýhanalardaǵy jaǵdaıdy muqııat zertteımiz. Shynymen de jaǵdaı turaqtanyp kele jatqan sııaqty», – dedi ol.
M. Rıýtte men densaýlyq saqtaý mınıstri Ýgo de Iong 3 qarashada baspasóz máslıhatyn ótkizedi. Máslıhatta eldiń qatań lokdaýnǵa kiretini nemese qazirgi ózin-ózi oqshaýlaý sharalaryn jalǵastyrylatyny habarlanýy yqtımal.
Avtory: Arnur Rahymbekov
