Nıderlandta ChatGPT kómegimen qıylǵan neke jaramsyz dep tanyldy
ASTANA. KAZINFORM — 2025 jyldyń 19 sáýirinde nekesin qıdyratyn jup dostaryn shaqyryp, rásimdi ótkizýdi ótingen. Qurbysy kóp oılanbastan mátindi ChatGPT kómegimen jasap shyqqan, dep habarlaıdy DW.
Mysaly, rásimde mynandaı suraq ta qoıylǵan: «Siz bir-birińizdi qoldaýǵa, ázildesip turýǵa, qıyn sátterde birge bolýǵa ant etesiz be?». Alaıda jasandy ıntellekt eń mańyzdy pýnktti umytyp ketken — jup bir-birin zańdy túrde jubaı retinde moıyndaıtynyn jáne barlyq quqyqtyq mindettemelerdi oryndaıtynyn kórsetýi kerek edi. Al bul pýnkttersiz Nıderlandta neke jaramsyz sanalady.
Nátıjesinde, rásimdi qarapaıym ótkizý jupqa qymbatqa tústi: prokýratýra sotqa nekeni joıý týraly ótinishpen júgindi.
Jup prokýratýranyń ótinishine qarsy shaǵym túsirýge tyrysqan, óıtkeni resmı tirkeýshi rásimde bolǵan, tipti ChatGPT mátinin estip turǵan, biraq qarsylyq bildirip, aralaspaǵan. Degenmen, sot qatal boldy:endi zańdy erli-zaıypty bolý úshin jupqa nekeni qaıta qıdyrý qajet bolady.
Budan buryn Qazaqstanda neke jasy ulǵaıyp, azamattyq neke kóbeıip kele jatqanyn jazǵanbyz.
Sondaı-aq, «Azamattarǵa arnalǵan úkimet» memlekettik korporatsııasy elde Jańa jyl qarsańynda qıylǵan neke týraly qyzyqty statıstıkany usyndy.
