Nıderlandta baspana baǵalary rekordtyq deńgeıge jetti

ASTANA. KAZINFORM — Nıderlandta turǵyn úı baǵalary qańtar aıynda rekordtyq kórsetkishke jetti. Bul negizinen turǵyn úı naryǵyndaǵy turaqty tapshylyq, jańa úılerdiń azdyǵy jáne úı sharýashylyqtarynyń tabysynyń ósýimen baılanysty, dep habarlaıdy AZERTADJ.

Nıderland Statıstıka basqarmasy (CBS) men Jer kadastrynan alynǵan derekterge sáıkes, qazirgi ýaqytta bar úılerdiń ortasha baǵasy 493 875 eýrony quraıdy. Bul ótken jylmen salystyrǵanda 5,4 paıyzǵa kóp. Al jeltoqsanmen salystyrǵanda baǵa orta eseppen 1,2 paıyzǵa ósken kórinedi.

— Baǵanyń ósýi negizinen turǵyn úı naryǵyndaǵy shıelenis jaǵdaıymen baılanysty. Suranys joǵary, usynys az, jáne bul úrdis saqtalyp otyr. Biz bul tendentsııany búkil elde baıqap otyrmyz, — dedi Sıngapýr Ortalyq bankiniń ekonomısi Marıolın ıAarsma.

Turǵyn úı naryǵynyń shıelenisip turǵanyna baılanysty kóptegen adam jańa páter tabýda qıyndyqqa tap bolyp otyr. Úılerdiń baǵasy kúrt kóterilip, satyp alýshylar jıi suraǵan baǵadan áldeqaıda joǵary somany usynady.

Sonymen qatar, ótken jyly Nıderlandta josparlanǵannan az úı salyndy. Bul turǵyn úı qurylysyn ýaqytsha úkimet josparlaǵan grafıkten qalyp otyrǵanyn kórsetedi. Saldarynan úı qurylysy josparyn ýaqytynda oryndaý úshinshi jyl boıy keshigip keledi

Osyǵan deıin Nıderland tarıhyndaǵy eń jas premer-mınıstr ant bergenin jazǵan edik.