Nıderlandta Astanada ótetin EKSPO-2017 kórmesine arnalǵan saıt ashyldy

ASTANA. QazAqparat - Nıderland Syrtqy ister mınıstrliginde «EKSPO-2017» halyqaralyq mamandandyrylǵan kórmesine qatysatyn gollandyqtarǵa arnalǵan resmı saıttyń tusaý keseri ótkizildi. Internet-qural Nıderlandtyń saýda jáne ınvestıtsııalar ulttyq agenttiginiń elektrondy portaly negizinde quryldy, dep habarlaıdy QR SІM baspasóz qyzmeti.

Saıtta alǵashqy ret Nıderlandtyń balamaly energetıka salasynda jetekshi tehnologııalar men ınnovatsııadaǵy jetistikterin beıneleıtin «EKSPO-2017» logotıpi jáne «Low Land, High Energy» urany jarııa etildi.

Internet qoldanýshylarǵa «EKSPO-2017» kórmesindegi Nıderlandtyń ulttyq pavılony týraly aqparat, kórmege qatysýshylar men qonaqtarǵa elektrondyq túrde tapsyrys berý múmkindigi qarastyrylǵan is-sharalar baǵdarlamasy jáne Qazaqstandaǵy paıdaly siltemeler usynylǵan.

«Qazaqstanda bıznes júrgizý» bóliminde Astanada ótetin kórme golland bıznes-ókilderine, balamaly energetıka, aýyl sharýashylyǵy, jasyl tehnolgııalar men ınnovatsııa salalarynda iskerlik baılanystardy keńinen ornatýǵa múmkindik beretini aıryqsha belgilengen. Oǵan qosa, saıtta 2017 j. maýsym-qyrkúıek aralyǵynda ótetin saýda mıssııalary týraly aqparatty ornalastyrý josparlanǵan.

Erekshe nazar «bolashaq jańashyldar býyny» retinde stýdenttermen jumysqa aýdarylmaq. Astanadaǵy «EKSPO-2017» kórmesinde Nıderland delegatsııasy golland jáne qazaqstandyq stýdentter arasyndaǵy bilimmen almasýǵa baǵyttalǵan «Innovation Challenge» aktsııasyn uıymdastyrýdy josparlaýda. 

Resmı saıttyń ashylýy qarsańynda Qazaqstannyń Nıderlandtaǵy Elshisi Maǵjan Іlııasov Nıderlandtyń EKSPO-daǵy ulttyq komıssary Hans Drıssermen kezdesti. Kelissózder aıasynda taraptar Nıderlandtyń Astanadaǵy halyqaralyq kórmege daıyndyq barysy suraqtary, sondaı-aq 2017 jyldyń 22-23 aqpanynda Astanada ótetin EKSPO kórmesiniń halyqaralyq komıssarlary jınalysyna josparlanǵan golland delegatsııasynyń sapary máseleleri talqylandy. 

«EKSPO-2017» arnalǵan arnaıy saıttyń Nıderlandyda ashylýy - Astanada ótetin kórmege qatysýshylar men qonaqtardy keńinen tartýda tıimdi qural bolatyny atalyp ótildi.