Nıderlandqa bás tikken jankúıer 135 myń dollar utyp aldy
ASTANA. QazAqparat - Ispanııalyq jankúıer fýtboldan Álem chempıonatyndaǵy Ispanııa - Nıderland matchynyń naqty esebin tapty. Bul oıynda álem chempıonadary 1:5 esebimen jeńilip qalǵan edi, dep jazady kaztrk.kz.
Valensııa qalasynda sáýletshi bolyp jumys isteıtin 56 jastaǵy Djakobo Rıos-Kapape jalpy somasy 135 myń AQSh dollary turatyn benzın utyp aldy. Ispanııalyq otyn kompanııasy uıymdastyrǵan boljaýshylar baıqaýyna 120 myń adam qatysqan. «Árıne, men ıspanııalyq fýtbolshylardyń jeńisine úmittendim. Biraq gollandııalyq fýtbolshylar jeńiske jetken jaǵdaıda iri esep tirkeledi dep oıladym. Erteń Ispanııa - Chılı matchynda 5:1 esebimen bizdiń fýtbolshylar jeńiske jetedi dep bás tigemin», - deıdi Djakobo Rıos-Kapape.
