Nıderlandyda mıgranttardy ornalastyrýǵa qarsy aktsııa qaqtyǵyspen aıaqtaldy
ASTANA. KAZINFORM — Nıderlandydaǵy Loosdreht mýnıtsıpalıtetinde bosqyndardy ýaqytsha ornalastyrý ortalyǵyn ashýǵa qarsy narazylyq aktsııasy polıtsııamen qaqtyǵysqa ulasty. Demonstratsııaǵa 800-den astam jergilikti turǵyn qatysqan, dep habarlaıdy Report.
Portaldyń málimetinshe, 20 sáýir kúni keshke birneshe júz adam bosqyndardy ornalastyrý máselesi talqylanǵan mýnıtsıpalıtet ǵımaratynyń aldyna jınalǵan. Bastapqyda jaǵdaı tynysh bolǵanymen, keıin shıelenis kúsheıdi. Polıtsııa ákimshilik ǵımaratty qorshaýǵa alyp, tártipsizdik bastalǵan soń qosymsha kúsh tartyldy. Nátıjesinde quqyq qorǵaý organdary kúsh qoldanyp, narazylyq bildirýshilerdi kósheden yǵystyrdy.
Turǵyndardyń narazylyǵyna jergilikti bıliktiń mýnıtsıpalıtet ǵımaratyna 110-ǵa deıin baspana izdeýshini ornalastyrý jospary sebep bolǵan. Bul sheshim 17 sáýirde jarııalanǵan, alǵashqy qonys aýdarýshylar osy aptada kelýi múmkin.
Mýnıtsıpaldyq bılik bul qadamnyń jedel qabyldanýyn elde mıgranttardy ornalastyrý oryndarynyń tapshylyǵyna baılanysty baspana izdeýshilerdi qabyldaý jónindegi ortalyq agenttiginiń ótinishimen túsindirdi.
Ereýilge shyqqandar bılik jergilikti turǵyndardyń pikirin eskermedi dep málimdedi. Olardyń aıtýynsha, sheshim qysqa merzimde qabyldanǵan, bul qaýipsizdik pen mıgranttardy ornalastyrý jaǵdaıyna qatysty alańdaýshylyq týǵyzǵan.
Óz kezeginde mýnıtsıpalıtet ókilderi turǵyndardyń alańdaýshylyǵyn eskeretinin aıtty. Bılik ortalyqty táýlik boıy kúzetýge ýáde berdi.
Eske salaıyq, naýryz aıynda AQSh pen Eýropa elderinde Tramptyń saıasatyna qarsy narazylyq aktsııalary ótti.
Al Mılanda myńdaǵan adam antımıgratsııalyq narazylyqqa shyqty.
