Nıderlandyda úkimettik koalıtsııa taratylyp jatyr

ASTANA. KAZINFORM — Nıderlandynyń «Erkindik partııasynyń» jetekshisi Gert Vılders dúısenbi kúni mıgratsııany baqylaý máselelerindegi kelispeýshilikterge baılanysty koalıtsııadan shyǵatynyn málimdedi, dep habarlaıdy Kazinform tilshisi.

2023 jyly Nıderlandydaǵy parlamenttik saılaýda ońshyl saıasatker, ımmıgratsııaǵa, ıslamǵa jáne EO-ǵa múshelikke qarsy bolǵan Gert Vılders basqaratyn «Erkindik partııasy» (PVV) jeńiske jetken bolatyn.

Alaıda, 2024 jylǵy mamyrda tórt nıderlandııalyq partııa, onyń ishinde PVV jańa koalıtsııalyq kelisimge qol qoıyp, burynǵy barlaý basshysy Dık Shofty premer-mınıstr etip saılady.

Búgin Gert Vılders óziniń partııasy mıgratsııalyq saıasattaǵy kelispeýshilikterge baılanysty bılik koalıtsııasynan shyǵyp jatqanyn habarlady. Osylaısha, premer-mınıstr Dık Shof parlamenttegi kópshilik daýsynan aıyryldy.

Gert Vılders mıgratsııany tolyq toqtatýdy, sırııalyq bosqyndardy deportatsııalaýdy jáne mıgranttarǵa arnalǵan bospanalardy jabýdy talap etedi. Bul talaptar koalıtsııanyń basqa músheleri tarapynan qoldaý tappady.

Ol baspana berý boıynsha josparlaryn júzege asyrýǵa «kepildikter» berýdi surady. Jergilikti BAQ-tyń málimetinshe, onyń koalıtsııalyq seriktesteri «ashýlanyp», Gert Vılderstiń «saıası oıyndar» júrgizip otyrǵanyn aıtady.

Buǵan deıin Qazaqstan mal sanyn Nıderland ádisimen retteýi múmkin ekeni habarlandy.