Nıderlandyda kólik júrgizip otyryp telefon qoldanǵany úshin aıyppul kólemi artty

ASTANA. KAZINFORM — 2026 jylǵy 1 qańtardan bastap Nıderlandyda jol erejesin buzǵany úshin salynatyn aıyppul orta eseppen 4%-ǵa ósedi, dep habarlaıdy BILD.

BILD jazýynsha, eń qymbattaǵan aıyppul — rýlde arnaıy hands-free qurylǵysynsyz telefon qoldaný. Endi bul zań buzý úshin 440 eýro tóleýge týra keledi.

Jyldamdyqty azdap asyrýdyń ózi qymbatqa túsedi: qala ishinde jyldamdyqty 5 km/saǵ-qa arttyrý — 46 eýro, avtobanda 20 km/saǵ-qa asyrý — 229 eýro. Qyzyl túske ótip ketý keminde 320 eýroǵa baǵalanady. Ruqsat etilmegen jerge kólik qoıǵany úshin aıyppul 130 eýrodan bastalady, al múgedekterge arnalǵan orynǵa zańsyz turaqtaǵany úshin 400 eýro aıyppul salynady.

Sondaı-aq agressıvti júrgizý qatań jazalanady: oń jaqtan basyp ozý — 320 eýro, kólikter arasyndaǵy araqashyqtyqty tym qysqartý — 380 eýroǵa deıin.

Buǵan qosa, aıyppul tóleýden jaltarý múmkin emes: Nıderlandyda salynǵan aıyppul shetelde de óndirilip alynady, al tólem merzimi ótip ketse, soma tez ósedi.

Buǵan deıin Jetisý oblysynda 1 mıllıon teńgeden asatyn aıyppuly bar júrgizýshi ustalǵan edi.