Nıderlandyda kólik júrgizip kele jatyp uıaly telefon qoldanǵandarǵa 420 eýro aıyppul salynatyn boldy
ASTANA. KAZINIFORM – 1 naýryzdan bastap Nıderlandyda jol qozǵalysy erejesin buzǵany úshin salynatyn aıyppul somasy ortasha eseppen 10%-ǵa ósti.
El depýtattary, Memlekettik keńestiń konsýltatıvtik-keńesshi organy jáne Nıderland prokýratýrasy mundaı joǵary aıyppuldar memlekettik retteý júıesine qoǵamdyq qoldaýdy azaıtatynyn alǵa tartyp, qarjylyq jazany kúsheıtýge qarsy shyqty.
«Aıyppul deńgeıi jol qozǵalysy erejesin buzýdyń sıpaty men aýyrlyǵyn kórsetýi tıis», - delingen Memlekettik keńestiń málimdemesinde.
Osylaısha, 1 naýryzdan bastap qyzyl shamǵa júrgen kólik júrgizýshilerine salynatyn aıyppul 280 eýrodan 300 eýroǵa deıin ósedi, al kólik júrgizip kele jatqanda telefonmen ustalǵan kólik júrgizýshilerine 420 eýro jáne 9 eýro ákimshilik alym kóleminde aıyppul salynady.
Jergilikti jol qaýipsizdigi uıymy «VVN» joǵary aıyppuldar tıisti tártippen biriktirilgende ǵana tıimdi ekenin aıtty.
«Avtokólik júrgizýshileri kólikti ereje buza otyryp basqarýdyń saldary týraly bilýi kerek. Bul jol qaýipsizdigin jaqsartýdyń birden-bir joly», - deıdi baspasóz hatshysy Vıllemeın Plomper.
