Nıderland Ózbekstandy aýǵan bosqyndaryn qabyldaýǵa kóndirýge nıetti

ASTANA. KAZINFORM — Nıderlandy úkimeti elde qabyldanbaǵan aýǵan bosqyndaryn Ózbekstanǵa jibergisi keledi. Bul týraly «NL Times» habarlady.

Basylymnyń jazýynsha, Germanııa jaqynda Ózbekstandy aýǵan bosqyndaryn qabyldaýǵa kóndirgen. Endi Nıderlandy da solaı jasaýǵa tyrysyp otyr. 

— Qazir úkimet Ózbekstanmen qandaı kelisimderge qol jetkizýge bolatynyn zerttep jatyr, — dedi eldiń tómengi palatasynda bosqyndar isteri boıynsha mınıstr Mardjoleın Faber.

Mınıstr qosymsha málimetter jarııalamaǵan. Onyń aıtýynsha, bul týraly senimmen aıtýǵa áli erte jáne zertteýler júrgiziip jatyr, sol úshin de tolyqtaı protsesti jarııa ete almaıdy.

Basylymnyń jazýynsha, shetelde, ásirese qylmysqa qatysy bar dep tanylǵan bosqyndar óz elderinde jıi qabyldanbaıdy. Nıderlandy jáne basqa da eýropalyq elder olardy óz elderine qaıtarýdyń joldaryn jyldar boıy izdep keledi. Bul memleketter óz eli kirgizbeıtin aýǵandardy qabyldaýǵa daıyn emes, óıtkeni olardyń Aýǵanstanmen resmı baılanysy joq, sebebi bılikke Talıban qojaıyn bolyp otyr.

— Osy sebepti Germanııa aýǵan bosqyndaryn Ózbekstan arqyly qaıtarýdy josparlap otyr. Eki el ótken aıda ózbekstandyq eńbek mıgranttaryn jáne damýǵa kómek sııaqty basqa da jeńildikterdi alýǵa kelisti, — delingen habarlamada.