Nıderland úkimeti bosqyndar máselesine baılanysty otstavkaǵa ketti
BRıÝSSELЬ.QazAqparat – Nıderland úkimeti daǵdarysqa ushyrady. Mark Rıýtte bastaǵan koalıtsııalyq mınıstrler kabıneti kóshi-qon saıasatyndaǵy kelispeýshilikterge baılanysty tarady, dep habarlaıdy QazAqparat Euronews-ke silteme jasap.
Baspana izdeýshiler aǵynyn tejeý sharalary qyzý pikirtalasqa ulasty, dep habarlaıdy NOS teleradıokompanııasy. Bosqyndarǵa ýaqytsha mártebe berý jáne olarmen qaýyshatyn týystarynyń sanyna shekteý qoıý týraly da usynys boldy.
Kúzde basqarýshy koalıtsııa ydyraǵannan keıin kezekten tys jańa parlamenttik saılaý ótedi dep josparlanǵan.
