Nıderland týrıster úshin qaıta ashyldy

BRıÝSSELЬ. QazAqparat - Nıderland úkimeti elge kirýshilerge COVID-19 boıynsha barlyq shekteýlerdi alyp tastady, dep habarlaıdy QazAqparattyń menshikti tilshisi.

«Nıderland úkimeti 2022 jyldyń 17 qyrkúıeginen bastap elge kirýge salynǵan tyıymdy alyp tastaý jóninde sheshim qabyldady. Nıderlandtaǵy epıdemıologııalyq jaǵdaıdy eskere otyryp, úkimet Nıderlandqa kirý úshin EO-ǵa kirýge salynǵan tyıym budan bylaı jaramdy emes dep sanaıdy», - delingen el úkimetiniń habarlamasynda.

Eýropalyq komıssııa 2022 jyldyń kúzinde Eýropalyq Odaqqa (EO) kirý erejelerin qaıta qaraý týraly usynys jarııalaýdy josparlap otyr.

Úkimettiń sheshimi 2022 jylǵy 17 qyrkúıekten bastap COVID-19-ǵa baılanysty eshqandaı shekteý nemese talap Nıderlandqa, onyń ishinde EO/Shengen aımaǵyna kirmeıtin elderden kelgen saıahatshylarǵa qoldanylmaıdy degendi bildiredi.

Foto: yamatoeurope.com