Nıderland Premer-mınıstri EO-da kóshi-qondy baqylaýdy kúsheıtýge shaqyrdy

Nıderland Úkimeti Eýropalyq Odaq aıasynda kóshi-qon saıasatyn qatańdatý boıynsha ortaq kúsh-jigerge úmit artady. Bul týraly Nıderland Premer-mınıstri Dık Shof Germanııa kantsleri Frıdrıh Mertspen Berlındegi birlesken baspasóz máslıhatynda málimdedi, dep habarlaıdy TASS. 

— Nıderland úkimeti kóshi-qondy baqylaý boıynsha qatań sharalar qabyldap jatyr. Mundaı qadamdardy EO deńgeıinde de júzege asyrý qajet dep sanaımyz, — dedi Dık Shof.

Onyń aıtýynsha, bul máselede úshinshi eldermen yntymaqtastyq sheshýshi ról atqarady.

Premer-mınıstr sonymen qatar koroldik aýmaǵynda oryn alǵan antımıgranttyq narazylyqtarǵa da toqtaldy. Belgili bolǵandaı, keıbir azamattar bosqyndar tasqynyn toqtatýǵa tyrysyp, shekarany óz betimen baqylaýǵa alǵan.

— Barlyq áreket zań aıasynda júzege asyrylýy tıis, — dedi Shof bul jaǵdaıǵa pikir bildire otyryp.

Aıta keteıik, 9 maýsymda Algemeen Dagblad gazeti Germanııamen shekaralas aımaqta turatyn nıderlandtyqtar baqylaý-ótkizý beketin uıymdastyrǵanyn habarlady. Bul bastama koroldik bıliginiń tym jumsaq kóshi-qon saıasatyna qarsylyq retinde ótkizilgen. Aktsııa Germanııa men Nıderland shekarasyndaǵy Ter-Apel eldimekeni mańynda ótken. Aıta keteıik, bul eldimeken bosqyndardy qabyldaıtyn negizgi ortalyqtardyń biri retinde tanymal. 

Aıta ketelik Nıderlandyda koalıtsııa ydyraǵannan keıin kezekten tys saılaý ótetini týraly jazǵan edik.