Nıderland polıtsııasy Chempıondar lıgasy matchy aldynda 180-ge jýyq jankúıerdi ustady

ASTANA. KAZINFORM — Dúısenbi kúni Nıderlandtyń Eındhoven qalasynyń bıligi Chempıondar lıgasynyń úshinshi aınalymynyń matchy aldynda «Napolıdiń» 180-ge jýyq jankúıerin ustady, dep habarlaıdy Kazinform menshikti tilshisi.

Jergilikti BAQ qosyp ótkendeı, Eındhoven kásipqoı fýtbol klýbynyń tórt jankúıeri Neapol komandasy 21 qazanda jergilikti komandamen kezdesetin qalanyń ártúrli aýdandarynda ustaldy. 

Nıderland polıtsııasy «Napolı» jankúıerlerin «belgili bir atmosferasy» bar «úlken top» dep sıpattady. Tártip saqshylary olardyń qala ortalyǵynan ketýin surady, biraq olardyń ótinishteri elenbegen kórinedi.

Sodan keıin jankúıerler qoǵamdyq jıyndarda mýnıtsıpaldy erejelerdi buzǵany úshin qamaýǵa alynyp, avtobýspen Matıldelaan polıtsııa bólimshesine jetkizildi, olardan jaýap alynady. Ustalǵandardyń keıbirine aldaǵy Chempıondar lıgasynyń matchyna bılet berilmeıdi degen boljam bar. 

Eındhoven meri Ierýn Deısselbým match aldynda qaýipsizdik aımaǵyn qurdy. Bul polıtseılerge qala ortalyǵynda jáne basqa da aýdandarynda profılaktıkalyq tekserý júrgizýge múmkindik berdi.

Budan buryn Nıderland Ortalyq bankiniń basshysy eldegi ınflıatsııaǵa baılanysty málimdeme jasaǵanyn jazǵanbyz.