Nıderland polıtsııasy drondardy búrkitpen aýlaýda
ASTANA. QazAqparat - Nıderland polıtsııasy ruqsatsyz áýege kóterilgen drondardy ustaýǵa úıretilgen búrkitterdi synap kórdi, dep jazady The Guardian basylymy.
Búrkit kvadrokopterdi gýilinen tanyp ony qýyp jetip, ebeleginen (vınt) búrip ustaıdy. Budan soń qus dron qulaǵan mańǵa qonady.
«Synaq barysynda birde bir búrkit zardap shekpedi, dronnyń eshqaısysy qutylyp kete almady. Bul joǵary tehnologııalyq máselelerdi barynsha arzan jolmen sheshý», - deıdi polıtsııanyń resmı ókili Dennıs ıAnýs. Dronmen kúrestegi osy sheshim qusqa da aınaladaǵy adamdarǵa da qaýipsiz. Búrkitter 2017 jyldan bastap qyzmetke kirisedi, qus salýmen 100 polıtsııa aınalysady.
Qus salýdy úıretýmen Guard From Above kompanııasy 2015 jyldan beri aınalysyp keledi. Bolashaqta saıatshylyq qustary qashyqtan basqarylatyn ushý apparattaryn ustap alyp, qaýipsiz jerge jetkizýge úıretilmek.
Foto: AFP
