Nıderland parlamentshisi Ýkraınadaǵy «Boıng» ushaǵy apatynda qaza tapty
ASTANA. QazAqparat - Gollandııalyq saıasatker, Nıderland joǵary zańnamalyq organynyń ókili Vıllem Vıtteveen (Willem Witteveen) Ýkraınanyń shyǵysynda Malaysia Airlines áýe kompanııasy ushaǵy apatynda qaza tapty, dep habarlady RIA Novostı.
Malaysia Airlines basylymynyń atap ótýinshe, sonymen birge Gollandııadaǵy Tılbýrg qalasynyń ýnıversıtetinde quqyq páninen oqytýshysy bolǵan 62 jasar saıasatker ushaqta áıelimen jáne qyzymen birge bolǵan. Vıtteveen basylymy derekterine súıensek, Eńbek partııasynyń múshesi, 1999 jáne 2013 jyly Senatqa, parlamenttiń joǵary palatasyna eki ret saılanǵan.
