Nıderland Koroldiginiń Premer-Mınıstri qazaqstandyq stýdenttermen kezdesti
ASTANA. KAZINFORM – Nıderlandy Koroldiginiń Premer-Mınıstri Mark Rıýtte Qazaqstanǵa jasaǵan jumys sapary aıasynda Maqsut Narikbayev University stýdentterimen kezdesip, olardyń suraqtaryna jaýap berdi.
Stýdentterdiń biri Premer-Mınıstrden Qazaqstan men Nıderlandy arasyndaǵy yntymaqtastyqtyń perspektıvalyq baǵyttary týraly surady.
«Eger áleýetti yntymaqtastyq týraly aıtatyn bolsaq, onda, árıne, bul ekonomıkamyzdy ártaraptandyrýǵa, klassıkalyq energııa kózderinen dástúrli emes kózderge kóshýge erekshe kóńil bólinip otyr. Bul – Qazaqstanda qurylysty bastap jatqan Philips jáne Heineken kompanııalary týraly», - dep jaýap berdi Mark Rıýtte.
Onyń aıtýynsha, búginde eki el arasyndaǵy talqylaýdyń mańyzdy aspektisi sý resýrstaryn basqarý máselesi bolyp tabylady.
«Qazaqstanǵa óz tarapymyzdan kómektesý biz úshin úlken mártebe. Kómirsýlar jáne jasyl tehnologııalar baǵytynda biz Marokkomen jáne basqa eldermen, sonyń ishinde Qazaqstanmen jumys istep jatyrmyz», - dep atap ótti Nıderlandy Premer-Mınıstri.
