Nıderland Qazaqstannyń aýyl sharýashylyǵyna 400 mln eýrodan astam ınvestıtsııa salmaq
«Qazaqstan men Nıderland arasyndaǵy qarym-qatynas óte belsendi. Atalǵan eldiń Qazaqstanǵa quıatyn ınvestıtsııa kólemi óte joǵary. Nıderland ınvestıtsııa quıý boıynsha 1 orynǵa ıe. Osy oraıda otandyq jáne nıderlandtyq kompanııalardyń arasyndaǵy qarym-qatynasty odan ári jetildire túsý maqsatynda búgingi forým uıymdastyrylyp otyr», - dedi Qazaqstannyń Nıderland Koroldigindegi Tótenshe jáne Ókiletti elshisi Asqar Jumaǵalıev.
Onyń aıtýynsha, búgingi forým aıasynda ekijaqty 4 qujatqa qol qoıylady. Onyń nátıjesinde tartylatyn ınvestıtsııanyń kólemi 400 mln eýrodan asady.
«Biz forým aldynda Nıderlandyda qazaqstandyq kompanııalar týraly aıtyp, aqparatty aldyn ala berdik. Qazaqstanda shetel kompanııalary úshin bıznes klımat qalyptasqan. Oǵan dálel nıderlandtyq kompanııalar Qazaqstanǵa osymen úshinshi kelip otyr», - deıdi ol.
Forýmǵa aýyl sharýashylyǵy salasy kompanııalarynyń ókilderi qatysyp jatyr. Onyń ishinde qus, mal sharýashylyǵy, sút ónimderin óndirý, veterınarııa, jylyjaı taǵy basqa salalar bar.
«Bıznes forýmnyń Qazaqstanda ótip jatqanyna qýanyshtymyz. Árıne, bul birinshi jáne sońǵy forým emes dep oılaımyn. Nıderlandtyń aýmaǵy kishkentaı bolǵanymen bizde aýyl sharýashylyǵy jaqsy damyǵan. Bizdiń el aýyl sharýashylyǵy ónimderin eksporttaýdan álem boıynsha AQSh-tan keıin ekinshi orynda. Nıderlandta aýyl sharýashylyǵy salasyn damytý basty nazarda. ıAǵnı ǵylymı zertteýler júrgizip, zamanaýı tehnologııa engizý arqyly ónim sapasy men kólemin arttyrýǵa aıryqsha mán beriledi. Bul baǵytta biz sala boıynsha halyqaralyq uıym, kompanııalarmen birlesip jumys isteýdemiz», - dedi Nıderland Koroldiginiń Qazaqstan Respýblıkasyndaǵy Tótenshe jáne Ókiletti Elshisi Andre Karstens.
