Nıderland «Gollandııa» ataýynan resmı túrde bas tartty
AMSTERDAM. QazAqparat - 2020 jyldyń 1 qańtarynan bastap «Gollandııa» sózi Nıderland memleketiniń ataýy retinde resmı túrde kúshin joıdy, dep habarlaıdy QazAqparat Business Insider basylymyna silteme jasap.
«Endi jergilikti bılik, JOO, jekemenshik kompanııalar men baspasóz «Nıderland» sózin qoldanýy kerek. Úkimet bul sheshim esirtki men jezókshelikpen ǵana baılanystyrylatyn obrazdan qutylýǵa kómektesedi degen oıda», dep jazady basylym.
Sonymen qatar memleket úkimeti bul sheshim týrıstik aǵyndy durys baǵyttaýǵa da áser etedi dep sanaıdy, sebebi qazirgi tańda týrısterdiń kóbi Amsterdam, Harlem men Gaaga sekildi qalalarǵa ǵana baratyndyqtan, bul qalalar kóp týrısterge tótep bere almaı jatyr. Al týrızm keńesi týrıster Nıderlandtaǵy standartty emes baǵyttardy da tańdaýǵa kóshedi dep úmittenedi.
Memlekettiń ataýyna qatysty reformaǵa memleket bıýdjetinen 200 myń evro jumsalady dep josparlanǵan.
