Nıderland fýtboldan ÁCh shırek fınalyna berilgen alǵashqy joldamaǵa ıe boldy

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda shırek fınalǵa shyqqan alǵashqy qurama anyqtaldy, dep habarlaıdy QazAqparat tilshisi.

Atalǵan kezdesýde Nıderland jáne AQSh quramalary sheberlik baıqasty.

Kezdesý barysynda nıderlandtyq qurama shabýylǵa kóbirek shyqty. Birinshi kezeńde olardyń tarapynan gol soǵatyn birneshe múmkindik boldy.

Osyndaı sátterdiń birinde Memfıs Depaı 10-mınýtta esep ashsa, Deılı Blınd 46-mınýtta esepti ústemeleı tústi.

Ekinshi kezeńde amerıkandyq fýtbolshylar tarazy basyn teńestirýge umtyldy.

Oıynnyń 76-mınýtynda amerıkalyq Sadjı Raıp esep aıyrmasyn qysqartty. Al 81-mınýtta nıderlandtyq Denzel Dýmfrıs 81-mınýtta mergendik tanytty.

Osylaısha Nıderland qarsylasynan 3:1 esebimen basym túsip, shırek fınalǵa joldama aldy.

Eki qurama buǵan deıin alty márte kezdesti. Onyń besýinde nıderlandtyq fýtbolshylar jeńiske jetse, bireýinde amerıkandyq qurama basym tústi.

Eske salsaq, budan buryn álem chempıonatynyń 1/8 fınalyna shyqqan quramalar anyqtaldy.

Foto: Match tv