Nıderland aýmaǵyna qulaǵan meteorıttiń jasy anyqtaldy
ASTANA. QazAqparat - Ǵalymdar Nıderlandtaǵy Brýk eldi mekeni aýmaǵyna qulaǵan meteorıttiń jasyn anyqtady.
Dutch News portalynyń málimetinshe, saraı tóbesine qulaǵan aspan denesi qazir Leıden qalasyndaǵy jaratylystaný ǵylymdary mýzeıinde tur.
Mamandar Nıderland aýmaǵyna qulaǵan meteorıtke shamamen tórt jarym mıllıard jyl toldy dep otyr. Tas saraıǵa 2016 jyldyń basynda qulaǵan, alaıda onyń jaratylysy men jasyn ǵalymdar endi ǵana anyqtady.
Shatyryna meteorıt qulaǵan úıdiń ıeleri ony birden Leıden qalasyndaǵy jaratylystaný ǵylymdary mýzeıine tapsyrǵan bolatyn. Eýropalyq BAQ málimetinshe, salmaǵy shamamen 500 gramm bolatyn tastyń quny myń eýroǵa baǵalanyp otyr.
