Nıderland-Argentına: Álem chempıonatynyń 1/2 fınalyna joldama kimge buıyrady

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda búgin, 9 jeltoqsanda 1/4 fınalda Nıderland pen Argentına quramalary kezdesedi, dep habarlaıdy QazAqparat tilshisi.

Kezdesý elorda ýaqytymen 1.00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.

Oıyn Lýsaıl qalasyndaǵy 89 myńǵa jýyq orynǵa eseptelgen «Lýsaıl Aıkonık» stadıonynda ótedi.

Bas tóreshi – ıspanııalyq Antonıo Laos. Oǵan otandastary Paý Sebrıan Devıs pen Roberto Dıas Peres Del Palomar kómekshi bolady. Qosalqy tóreshi – Ońtústik Afrıkadan kelgen Vıktor Gomes.

FIFA reıtınginde Nıderland – 8, Argentına 3-orynda tur.

Eki qurama buǵan deıin toǵyz márte kezdesti. Tórteýinde nıderlandtyqtar, bireýinde argentınalyqtar jeńiske jetse, tórt kezdesý teń nátıjemen aıaqtaldy.

2014 jylǵy álem chempıonatynda jartylaı fınalda Argentına Nıderlandpen negizgi kezeńde 0:0 esebimen teń túsip, penaltıde 4:2 esebimen qapy qaldyrdy. Sol ketken eseni nıderland fýtbolshylary qaıtara ala ma?

Toptyq kezeńde A tobynda oınaǵan Nıderland Senegal men Qatardan 2:0 esebimen basym túsip, Ekvadormen 0:0 esebimen teń oınady. 1/8 fınalda AQSh quramasyn 3:1 esebimen tize búktirdi.

Al S tobynda Argentına Saýd Arabııasyna 1:2 esebimen ese jiberip, Meksıka men Polshany 2:0 esebimen jeńdi. 1/8 fınalda Avstralııany 2:1 esebimen utty.

Álem chempıonatynda Nıderland 1974, 1978, 2010 jylda kúmis júldeger atandy.

Argentına quramasy 1978, 1986 jyldarda álem chempıony ataǵyn jeńip aldy.

Sondaı-aq 9 jeltoqsanda elorda ýaqytymen 21:00-de Horvatııa men Brazılııanyń 4/1 kezdesýi «Qazaqstan» men «Qazsport» telearnalarynan tikeleı efırde kórsetiledi.