Nıtstsadaǵy júk kóligi júrgizýshisiniń kim ekeni anyqtaldy
ASTANA. QazAqparat - Nıtstsa jaǵalaýynda ondaǵan adamdy basyp-janshyǵan júk kóliginiń rýlinde Týnıste dúnıege kelgen 31 jastaǵy jergilikti turǵyn bolǵan.
Bul týraly Lenta.ru Nice Matin basylymyna silteme jasap habarlady.
BFM telearnasy habarlaǵandaı, júk kóliginen polıtsııa atyp tastaǵan júrgizýshiniń jeke kýáligi tabyldy.
Eske sala ketsek, 14 shildede Nıtstsa qalasynda terakt oryn aldy. Jaǵalaýda mereke qurmetine beriletin ot shashýǵa jınalǵan halyqty júk kóligi basyp-janshyp ótken. Keıin oq atqany týraly habar tústi, alaıda ol resmı túrde rastalmady.
Provans-Alpy-Lazýrnyı Bereg óńiriniń basshysy Krıstıan Estrozıdiń aqparatynsha, saldarynan 77 adam qaza tapty. Le Figaro 80 adam ajal qushqany týraly habarlady.
Nıtstsa bıligi muny terakt dep atasa, ázirge kúsh qurylymdarynyń ókilderi muny terrorlyq akt ekenin aıtpaı otyr.
