Nıtstsadaǵy lańkes oqıǵa jasar aldynda otbasyna habarlasyp, óziniń baqytty ekenin aıtqan
ASTANA. QazAqparat - Mohamed Lahýaıedj Býhlel Nıtstsada terakt jasamastan birneshe saǵat buryn óz otbasyna fotosyn jiberip, baqytty ekenin aıtqan, dep habarlady RIA Novostı.
«Ol maǵan selfı joldap, baqytty ekenin jazdy. Keıin Nıtstsadaǵy jaǵdaıdy estigende biz oǵan sms jazyp, túngi ekige deıin habarlasýǵa tyrystyq», degen «Mirror» basylymyna suhbat bergen onyń aǵasy Djabır.
Býhleldiń taǵy bir týysqany Sokrı Amımı onyń bala kezden psıhıkalyq aýrýmen aýyratynyn aıtty.
«Onyń 7 aǵasy, 3 ápkesi boldy. Biraq, ishinde sol ǵana aýrý edi. Ol esirtki paıdalandy, ishimdik ishti», - dedi Amımı BAQ-qa bergen suhbatynda.
