Nıtstsada joǵalyp ketken qazaqstandyq otbasy ázirge tabylǵan joq - QR SІM
ASTANA. QazAqparat - Terakt kezinde Nıtstsada bolǵan qazaqstandyq úsh azamattyń qaıda ekeni ázirge anyqtalǵan joq. Bul týraly QazAqparat tilshisine QR Syrtqy ister mınıstrliginiń baspasóz qyzmeti habarlady.
«Ázirge Nıtstsada joǵalǵan otbasy jóninde esh aqpar bolmaı tur. Іzdeý jumystary jalǵasýda. Іzdeýdi bizdiń dıplomattar júrgizýde», - dep atap ótti QR SІM baspasóz hatshysy Anýar Jaınaqov.
Aıta keteıik, tórt adamnan turatyn qazaqstandyq otbasy - atasy, ájesi, qyzy men nemeresi Nıtstsaǵa Pavlodardan barǵan. Beısenbi kúni (terakt kúni - red.) atasy úıde qalǵan, al ájesi, qyzy men nemeresi qalaǵa qydyrýǵa ketip, sodan keıin qaıtyp oralmaǵan.
Qazir qazaqstandyq dıplomattar frantsýz bıliginiń kómegimen olardy izdeý jumystaryn jalǵastyryp jatyr.
