Nıtstsada terrorlyq áreket jasaǵan er adam shabýylǵa tııanaqty daıyndalǵan
ASTANA. QazAqparat - Muhammed Býhlel Nıtstsada terakt jasaýǵa tııanaqty daıyndalǵan. Máselen ol Aǵylshyn jaǵajaıyn jaqsyraq zertteý úshin sol aımaqqa eki ret kelgen. Bul týraly Europe 1 arnasyna siltememen 24.kz habarlaıdy.
Tergeý kezinde frantsýz polıtsııasy Býhleldiń bul áreketke keminde birneshe kún boıy daıyndalǵanyn anyqtaǵan. 12 jáne 13 shildede ol Aǵylshyn jaǵajaıyna barǵan.
«Beınejazbada qylmyskerdiń júk kóliginde otyryp, aımaqty zerttep kele jatqanyn kórýge bolady», dep habarlaıdy telearna. Buǵan deıin málim bolǵandaı Býhlel aǵasyna óziniń baqytty ekenin jazǵan selfı joldaǵan.
Esterińizge sala ketsek, Nıtstsadaǵy terakt saldarynan 84 adam qaza tapty.
