Nıtstsada qaza tapqan Qazaqstan azamattarynyń múrdeleri elge 21 shilde kúni jetkiziledi

Bul týraly QazAqparat tilshisine Qazaqstan Respýblıkasy Syrtqy ister mınıstrligi baspasóz qyzmetiniń jetekshisi  Ánýar Jaınaqov málim etti.

«QR Syrtqy ister mınıstrliginiń, Frantsııadaǵy Qazaqstan elshiliginiń kómegimen qaza tapqan Panchenko otbasy músheleriniń denesi Nıtstsa qalasynan 20 shilde kúni jiberiledi. Pavlodar qalasyna 21 shilde kúni jetedi dep kútilip otyr. Máıitterdi tasymaldaýǵa ketken shyǵyndy Frantsııa taraby óz moınyna aldy», - dep habarlady Á.Jaınaqov. 
Esterińizge sala keteıik, Nıtstsa teraktisinde Qazaqstannyń Pavlodar qalasynda turatyn 60 jastaǵy Lıýbov Panchenko, jumys jáne oqý babymen Frantsııada turǵan 32 jastaǵy qyzy Marına Panchenko jáne eki jasar jıeni Sılvııa qaza tapty. Lıýbov Panchenko men onyń kúıeýi Leonıd Panchenko qyzynyń shaqyrýy boıynsha, Frantsııaǵa demalýǵa barǵan.
«Nur Otan» partııasy Pavlodar oblystyq fılıaly tóraǵasynyń orynbasary Ilıa Terenchenkonyń aıtýynsha, Marına - onyń synyptasy eken. «Biz №30 mektepte birgen oqydyq. Úlgili otbasynan shyqqan aqyldy, sulý, meıirimdi qyz edi. 90 jyldary Leonıd pen Lıýbov Panchenkolar otbasyn asyraý úshin tynymsyz eńbek etti. Shetelge baryp taýar ákeldi, jeke kásipkerlik qurdy, Marına ata-anasyna kómektesti. Olar ortasha dáýletti otbasy boldy, biraq qyzdaryna joǵary bilim berý úshin aıanyp qalǵan joq. Olar týraly kópshilik jaqsy pikirler aıtýda, eshkimdi renjitpegen meıirimdi, parasatty jandar edi. 90 jyldary Panchenko shańyraǵynda orny tolmas qaza boldy - úlken uldary Sergeı jumbaq jaǵdaıda qaza tapty. Marına jalǵyz bala bolsa da, eńbekqor, sharýaǵa myǵym bolyp ósti»,-dep eske alǵan ol.