Nıtstsada frantsýzdyq arnaıy jasaq qatelesip, 80-degi qarııanyń úıin buzyp kirgen
ASTANA. QazAqparat - Nıtstsada frantsýzdyq arnaıy jasaq qatelesip, 80-degi qarttyń úıin buzyp kirgen, dep habarlaıdy Nice-Matin basylymy.
Oqıǵa 84 adamnyń ómirin jalmaǵan Nıtstsa jaǵalaýyndaǵy lańkestik shabýyldy tergeý barysynda bolǵan. Polıtsııa júk kóligin basqarǵan jigittiń birneshe tanysyn qolǵa túsirý úshin arnaıy maqsattaǵy bólimsheniń kúshimen operatsııa uıymdastyrǵan.
Tańǵy 6 shamasynda olar bytyramamen úıdiń esigin qulpy turatyn tusynan atyp, artynsha buzyp kirgen. Odan keıin jatyn bólmeniń esigin de dál solaı qıratyp ashqan. Alaıda aldarynan boıyn úreı bılegen kári shal men kempir shyqqanda ǵana, qateleskenderin túsingen.
«Olar úıdi qıratyp tastady, esikti syndyrdy», - deıdi 80 jastaǵy otaǵasy Per Kapıýto. Al zaıyby, 82 jastaǵy Fransýaz bolsa, bul oqıǵaǵa qatty yzaly.
Aıta keteıik, arnaıy jasaq odan soń álgi páterdi taýyp, ózderine kerekti adamdy qolǵa túsirdi.
