Nıtstsada bolǵan qazaqstandyq terakt pen onyń saldary týraly aıtty
ALMATY. QazAqparat - Qazaqstandyń Іlııas Jumashev terakt bolǵan Nıtstsanyń jaı-kúıi týraly áńgimeledi.
Onyń aıtýynsha, І.Jumashev sársenbi kúni 13 shildede dostarymen demalýǵa kelgen. Poıyzben 1 kúnge Italııaǵa baryp, Nıtstsaǵa qaıtyp kelgen.
«Terakt kezinde men anglııalyq jaǵalaýǵa jaqyn kóshelerde júrdim. Polıtsııany, jedel járdem kólikterin kórip qonaq úıge asyqtym. Mende bári durys, Allaǵa shúkir. Qazir de Nıtstsadamyn, erteń keshke ózim turyp jatqan Barselona qalasyna ushamyn», - dedi ol.
Búgin keshke Nıtstsa qalasynda amerkalyq ánshi Rıannanyń kontserti bolýy tıis edi, biraq jaǵdaıǵa baılanysty kontsert bolmaıdy.
«Búgin tańǵy 10 shamasynda kóshege shyqpaı turyp, qalanyń jandana bastaǵanyn balkonnan tamashalap edim. Adamdar qydyryp júr, dámhanalar ashylyp jatyr. Qazir anglııalyq jaǵalaýdyń bir bóligi jabyq nemese qaraýyl kúzetinde bolýy múmkin. Ol jaqqa qazir barýdyń qajeti joq», - dep habarlady І.Jumashev.
Esterińizge sala keteıik, shildeniń 14-i kúni Nıtstsa jaǵalaýynda Bastılııa qamalyn alý kúnin toılaý barysynda júk kóligi adamdardy basyp-janshyp, keıin kólikten jıylǵan jurtqa oq atqan. Shabýyl saldarynan 84 adam qaza tapty, onyń ishinde balalar bar, taǵy 18-i aýyr jaraqat aldy, 100-den astamy jaraqattandy. Frantsııalyq BAQ júk kóliginen 31 jastaǵy Nıtstsa turǵynynyń jeke kýáligin tapqanyn, onyń Frantsııamen qatar Týnıs azamaty bolǵanyn habarlady. Polıtsııa júk kóliginiń júrgizýshisin atyp tastady. Kúsh qurylymdary onyń sybaılastarynyń bolǵanyn ne bolmaǵanyn anyqtap jatyr.
