08:42, 06 Qyrkúıek 2022 | GMT +6
Nıtstsada 86 adamdy júk kóligimen qaǵyp óltirgen terrorısterdiń soty bastaldy
PARIJ. QazAqparat – Parıjde 2016 jyldyń 14 shildesinde Nıtstsanyń aǵylshyn jaǵalaýynda bolǵan lańkestik áreketke qatysty sot otyrysy bastaldy, dep habarlaıdy QazAqparat Euronews-ke silteme jasap.
Júk kóligimen adamdardy basyp ketken radıkal ıslamshyldyń shabýylynan 86 adam qaza taýyp, 458-i jaraqat aldy.
Lańkestik shabýyldy jasaǵan Týnıs týmasy Muhammed Lahýaıedj Býhleldi qylmys ornynda polıtsııa atyp óltirgen bolatyn.
Birinshi kúni sot segiz aıyptalýshynyń kim ekenin tekserip, azamattyq talapkerlerdiń quramyn naqtylady, onyń sany 865 adamǵa jetti.
Parıjdegi tyńdaýǵa bári birdeı qatysa almaıdy, sondyqtan Nıtstsada translıatsııaǵa shyǵatyn eki arnaıy zal bar. Protsess 16 jeltoqsanǵa deıin jalǵasady.
Úsh aıyptalýshy otyrys zalynda kúzetpen otyrdy.
Tórt adamǵa qatysty eshqaıda ketpeý týraly jazbasha túrde bultartpaý sharasy tańdaldy.
Týnıste qamaýda otyrǵan taǵy bir aıyptalýshyny qorǵaýshy qorǵaıdy.
