Nıtstsa qalasyndaǵy teraktini estigende júregimiz aýyrdy - Nurbaqyt Teńizbaev, Beıjiń olımpıadasynyń júldegeri
ASTANA. QazAqparat - Islam dinin jamylyp, beıkúná jandardy óltirgender eki dúnıede de ońbaıdy. Bul týraly grek-rım kúresinen Beıjiń olımpıadasynyń qola júldegeri Nurbaqyt Teńizbaev málim etti.
«Nıtstsa qalasyndaǵy teraktini estigende júregimiz aýyrdy. Meıli qaı elde, qaı jerde bolsa da bireýdiń qanyn jazyqsyz tókkender eki dúnıede de ońbaıdy. «Quranda sebepsiz bir adamdy óltirseń, kúnási búkil álemdegi adamdy óltirgenmen birdeı, bir adamdy ólimnen aman alyp qalsań, onyń saýaby búkil adamdy qutqarǵanmen birdeı» dep jazylǵan. Qazir ıslam dinin jamylyp, beıkúná jandardy qyrý, óltirý ol - ıslam dinine kir keltirý. Islam dini - beıbitshilikke, dostyqqa, tazalyqqa shaqyratyn eń keremet din. Sondyqtan dindi jamylyp, bassyzdyqqa barmaý kerek. Nıtstsadaǵy zardap shekken beıkúná jandarǵa qaıǵyryp kóńil aıtamyn», - dedi olımpıada júldegeri.
Eske sala keteıik, shildeniń 14-i kúni Nıtstsa jaǵalaýynda Bastılııa qamalyn alý kúnin toılaý barysynda júk kóligi adamdardy basyp-janshyp, keıin kólikten jıylǵan jurtqa oq atqan. Shabýyl saldarynan 84 adam qaza tapty, onyń ishinde balalar bar, taǵy 18-i aýyr jaraqat aldy, 100-den astamy jaraly. Frantsııalyq BAQ júk kóliginen 31 jastaǵy Nıtstsa turǵynynyń jeke kýáligin tapqanyn, onyń Frantsııamen qatar, Týnıs azamaty bolǵanyn habarlady. Polıtsııa júk kóliginiń júrgizýshisin atyp tastady. Kúsh qurylymdary onyń sybaılastaryn anyqtap jatyr.
