Nıtstsa qalasynda turyp jatqan qazaqstandyq sportshylar din aman
ASTANA. QazAqparat - Frantsııanyń Nıtstsa qalasyndaǵy shabýyldan qazaqstandyq sportshylar eshqandaı zardap shekken joq. Olar din aman. Bul týraly tanymal sport jýrnalısi Dına Turarqyzy óziniń feısbýktegi jeke paraqshasynda jazdy.
Onda: «Tań ata áleýmettik jeliden Frantsııanyń Nıtstsa qalasynda terrorlyq akt bolǵanyn estip, osy qalada turatyn dosym, Astana velokomandasynyń burynǵy shabandozy Sergeı ıAkovlevke xabarlastym. Qazaqstandyq veloshabandozdar men komandanyń qazaqstandyq qyzmetkerleriniń basym bóligi osy qalada otbasymen birge turady. Sergeı jerlesterimizdiń aman ekenin aıtty. Merekelik sharalardy tamashalap, oqıǵa bolardan sál buryn úılerine qaıtyp ketken», dep jazylǵan jeke paraqshasynda.
Esterińizge sala keteıik, shildeniń 14-i kúni Nıtstsa jaǵalaýynda Bastılııa qamalyn alý kúnin toılaý barysynda júk kóligi adamdardy basyp-janshyp, keıin kólikten jıylǵan jurtqa oq atqan. Shabýyl saldarynan 84 adam qaza tapty, onyń ishinde balalar bar, taǵy 18-i aýyr jaraqat aldy, 100-den astamy jaraqattandy. Frantsııalyq BAQ júk kóliginen 31 jastaǵy Nıtstsa turǵynynyń jeke kýáligin tapqanyn, onyń Frantsııamen qatar Týnıs azamaty bolǵanyn habarlady. Polıtsııa júk kóliginiń júrgizýshisin atyp tastady. Kúsh qurylymdary onyń sybaılastarynyń bolǵanyn ne bolmaǵanyn anyqtap jatyr.
