Nıbalıdiń basty qarsylastary «Djıro d'Italııa» jarysynan shyǵyp qaldy
ASTANA. 17 mamyr. QazAqparat - «Djıro d'Italııa» kópkúndiginiń qazirgi jeńimpazy Garmin-Sharp komandasynyń shabandozy Reıder Heshedal men bıylǵy maýsymnyń basty favorıtteriniń biri Bredlı Ýıggıns (Sky) syrqattanyp qalǵandaryna baılanysty «Djıro d'Italııa» jarysynan shyǵyp qaldy, dep habarlaıdy Vesti.kz.
Eki sportshy da dodany ary qaraı jalǵastyra almaıdy. Bul jaǵdaı Astana Pro Team komandasynyń jáne "Djıro d'Italııa" kópkúndiginde kósh bastap kele jatqan onyń kapıtany Vınchentso Nıbalıdiń jalpy esepte jeńiske jetýine qosymsha múmkindikter beredi.
Byltyr Heshedal «Djıro» jarysyn jeńip alǵan bolatyn. Bıylǵy dodanyń jalpy kestesinde ol 38-orynda kele jatqan bolatyn. "Týr de Frans" sýper kópkúndiginiń jeńimpazy brıtanııalyq veloshabandoz Ýıggıns jarys barysynda 12-orynda kele jatty.
Eske sala keteıik, "Djıro d'Italııa" kópkúndiginiń 12 kezeńi boıynsha Vınchentso Nıbalı birinshi orynda keledi.
