Nıbalı «Týr de Frans» synynyń 11-kezeńinen keıin bir satyǵa tómendedi
ASTANA. QazAqparat - "Týr de Frans" synynyń 11-kezeńinde "Tınkoff-Sakso" komandasynyń ókili Rafal Maıka jeńiske jetti. Odan keıin márege Team Cannondale-Garmin sportshysy Danıel Martın men Bora-Argon 18 ókili Emanýel Býhmann jetti.
«Astana» sportshylarynyń arasynda úzdik nátıjeni Tanel Kangert kórsetti. Ol jeńimpazdan 6 mınýt jáne 11 sekýndqa qalyp qoıdy. O márege 22-shi jetti. 23-shi orynda - Vınchentso Nıbalı, dep habarlady vesti.kz. Osylaısha, Týr de Franstyń 11-kezeńinen keıin Vınchentso Nıbalı jalpy eseptegi jaǵdaıyn qıyndatyp aldy, ol 11-orynda. Top basynda brıtanııalyq Krıs Frým. Ekinshi oryndaǵy T. Van Garderen odan 2 mınýt 52 sekýndqa qalyp keledi. Jarys aldynda jeńisten basty úmitkerlerdiń biri retinde atalǵan ıspanııalyq Alberto Kontador ázirshe altynshy oryndy qanaǵat tutýda.
