Nıbalı «Djıro d'Italııa» kópkúndiginiń kóshin bastap keledi
ASTANA. 16 mamyr. QazAqparat - Astana veloshabandozy Vınchentso Nıbalı "Djıro d'Italııa" kópkúndiginiń 11-kezeńinen keıin kóshbasshynyń qyzǵylt tústi jeıdesin saqtap qaldy.
Keshegi jarys kúninde Garmin-Sharp komandasynyń veloshabandozy lıtvalyq Ramýnas Navardaýskas jeńiske jetti. Tarvızıo men Vaıont qalalary arasyn qamtyǵan 184 shaqyrymdyq qashyqtyqty ekinshi bolyp Danıel Oss baǵyndyrdy. Italııalyq Stefano Pıratstsı kómbege úshinshi keldi.
Bul jarysta qalyń toppen birge kelgen Nıbalı áli de bolsa kósh tizginin qoldan shyǵarǵan joq.
Búgingi kezeńde sportshylar tegis joldy qashyqtyqta baqtaryn synaıdy. Longaroneden Trevızoǵa baǵyt alatyn olar 127 shaqyrymdy júrip ótýleri tıis.
