Nıbalı, Arý jáne Dıachenko Djıro del Trentıno tartysyna saqadaı-saı - Astana Pro Team velokomandasy
ASTANA. 16 sáýir. QazAqparat - Astana Pro Team Italııanyń soltústiginde ótetin taýly velojarys - Djıro del Trentınoda óz múmkindikterin, baby men baǵyn synap kórý úshin taýǵa mashyqtanǵan veloshabandozdarmen attandy,
dep habarlady komandanyń resmı saıty.
Velododaǵa qatysatyn komandanyń basym bóligi Trentınoǵa Tenerıfte ótken 19 kúndik oqý-jattyǵý jıynynan keıin jınalady. Komandanyń sporttyq dırektory Aleksandr Shefer Avstrııanyń Lıntsasynan bastalatyn tórt kúndik jarysta veloshabandozdardyń Giro d'Italia-ǵa daıyndyǵy pysyqtalyp, búgingi múmkindikteri saralanatynyn aıtady.
«Giro d'Italia aldynda jasalǵan tizim kún óte qysqaryp keledi. Tenerıftegi daıyndyqtan soń biz qysqa bolsa da, ońaı tımeıtin jarysqa jastarymyzdy qoldaý úshin Trentınoǵa bara jatyrmyz. Fabıo Arý men Aleksandr Dıachenkonyń ónerin asyǵa kútemiz. Olardyń kóktemgi jarystarda salynǵan salmaqtarǵa qanshalyqty beıimdelgenin jáne azýly veloshabandozdarmen ıyq tirestire jeńiske talasatyn pelotonda ózderin qanshalyqty senimdi ustaıtyndaryn kórgimiz keledi. Sondaı-aq jarystyń alǵashqy kúni komandalyq synda komanda tutastyǵynda baıqamaq oıymyz bar», - dedi Shefer.
Astana Pro Team quramy:
• Vınchentso Nıbalı (Italııa).
Paolo Tıralongo (Italııa).
\
Valerıo Anolı (Italııa).
Alessandro Vanottı (Italııa).
Tanel Kangert (Estonııa).
Fredrık Kessıakoff (Shvetsııa).
Aleksandr Dıachenko (Qazaqstan).
Fabıo Arý (Italııa).
Komanda shtaty:
Sporttyq dırektor Djýzeppe Martınellı.
Sporttyq dırektor assıstenti Aleksandr Shefer.
Dáriger Andrea Andreatstsolı.
Mehanık Gabrıele Tosselo.
Mehanık Roberto Astorı.
Mehanık Haver Lopes.
Massajshy Mıkele Pallını.
Massajshy Ýmberto Inselvını.
Massajshy Oskar Satýrnı.
Astana menedjeri Djýzeppe Martınellı Tenerıfte bolǵan oqý-jattyǵý jıyny oıdaǵydaı ótkenin alǵa tartyp, Ispanııa aralynda ótken úsh apta ishinde veloshabandozdardyń daıyndyǵy joǵary deńgeıde ekenin aıtady.
«Eýropada naýryz ben sáýir aılarynda aýa raıy óte sýyq boldy. Jarystardyń basym kópshiligi jańbyr men jaýǵan qardyń astynda ótti. Biz ótken jyly Nıbalı bastaǵan negizgi tórt-bes veloshabandozymyzben 2013 jylǵy maýsymǵa daıyndyq maqsatynda Tenerıfte bas qosýdy josparlaǵan bolatynbyz. Belgııa, Bask elderi men Italııa qarǵa oranyp jatqanda, biz jyly aýa raıyn serik etip, tolyqqandy jattyǵý ótkize aldyq», - dedi Martınellı.
