Nıagara sarqyramasy alyp muz úıindisine aınaldy
ASTANA. QazAqparat - AQSh pen Kanada shekarasynda bolǵan qatty aıaz saldarynan Nıagara sarqyramasy taǵy da qatyp qaldy.
Týrıster óz kózderimen myńdaǵan tonna tartatyn tabıǵattyń tamasha týyndysy -Nıagara sarqyramasynyń alyp muz súńgilerine aınalǵan túrin kórý úshin aǵylyp kelip jatyr, dep habarlaıdy USA Today.
Sarqyramadaǵy aýa temperatýrasy tipti 22 gradýsqa deıin tómendegen. Al senbi kúni 11 gradýs sýyqtyqty kórsetti. Degenmen kúnniń bulaı sýytýy jurtqa bóget jasaı almaı otyr. Aıta keter jaıt, jylda qystyń aıaǵyna taman munda kelýshilerdiń qarasy az bolatyn.
