Neırondyq jeliler arqyly tótenshe jaǵdaılardy boljap, aldyn alamyz – Úkimet basshysy
ASTANA. KAZINFORM – Úkimet basshysy Oljas Bektenov jasandy ıntellektiniń kómegimen tsıfrlyq sheshimderdi ıntegratsııalaý qajettigin aıtty.
- Tsıfrlyq tehnologııalar bizde qazirdiń ózinde ónerkásip, ekologııa, densaýlyq saqtaý, bilim berý, jumysqa ornalastyrý, áleýmettik jáne quqyqtyq qoldaý, salyq sektory men bıznes-ortada belsendi qoldanylyp keledi. Ozyq elderdiń barlyǵy tsıfrlandyrý men jasandy ıntellektini damytýǵa jappaı ınvestıtsııa salyp, strategııalaryn jasap jatyr. Búgin otandyq tsıfrlyq sheshimderdi iske asyrý barysyn kórdik. Bul kelesi damý kezeńi, ıaǵnı bizdiń jasandy ıntellekt salasyndaǵy jobalardyń alǵashqy qadamdary. Neırondyq jeliler arqyly biz táýekelderdi jáne tótenshe jaǵdaılardy boljap, olardyń aldyn alamyz. Sondaı-aq proaktıvti memlekettik qyzmet qoljetimdi, - dedi Oljas Bektenov Úkimettiń kóshpeli otyrysynda.
Premer-mınıstrdiń aıtýynsha, tsıfrlyq transformatsııa kezinde jańa tsıfrlyq sheshimderdi ıntegratsııalaý qajet.
- 2029 jylǵa deıingi jasandy ıntellektini damytýdyń tujyrymdamasy men jasandy ıntellekt týraly jańa zań aıasyndaǵy jumystar jalǵasady, - deıdi ol.
Buǵan deıin jasandy ıntellekt engizilgeli el aýmaǵynda zańsyz qoqys tastaý faktileriniń azaıǵanyn habarlaǵan edik.