Neıron jelisi Kazinform agenttiginiń tarıhı sýretterine jan bitirdi

ASTANA. KAZINFORM – Búgin Kazinform halyqaralyq aqparattyq agenttigine 104 jyl tolyp otyr. Osy oraıda áriptesterimiz (mediabase.kz saıtynyń fotoarhıvi) Luma Dream Machine neıron jelisiniń kómegimen agenttik tarıhynan syr shertetin sýretterge jan bitirdi. 

Agenttiktiń tarıhy 1920 jyldan bastalady, sol jyly 13 tamyzda Búkilodaqtyq Ortalyq atqarý komıteti janyndaǵy Reseı telegraf agenttiginiń Orynbor-Torǵaı bólimshesi quryldy. Keıinnen agenttiktiń ataýy birneshe ret ózgerdi, ıaǵnı KırROSTA, QazROSTA, QazTASS dep ataldy. Al 1937 jyldan bastap Keńes Odaǵynyń TASS – telegraf agenttiginiń quramynda QazTAG degen ataýmen jumys istedi.

Qazaqstan táýelsizdik alǵannan keıin QazTAG Mınıstrler Keńesi janyndaǵy aqparattyq agenttikten burynǵy ataýymen Qazaq memlekettik aqparattyq agenttigi bolyp qaıta quryldy. 1997 jyldyń qarasha aıynda QazTAG bazasynda «QazAAG» qazaq aqparattyq agenttigi quryldy.

Búginde Kazinform agenttigi 18 memlekettiń iri medıa-holdıngterimen seriktes. Olardyń qatarynda TASS (Reseı🇷🇺), Trend (Ázirbaıjan🇦🇿), Armenpress (Armenı🇦🇲), Kabar (Qyrǵyzstan🇰🇬), ÝZA (Ózbekstan🇺🇿), Belta (Belarýs🇧🇾), Yonhap (Ońtústik Koreıa🇰🇷), TPS (Izraıl), Azertac (Ázirbaıjan🇦🇿), Montsame (Mońǵolııa🇲🇳), CGTN (Qytaı🇨🇳), Jenmın Jıbao (Qytaı ), Sınhýa (Qytaı ), Hovar (Tájikstan🇹🇯), WAM (BAÁ🇦🇪), Al-Jazeera (Qatar🇶🇦), Petra (Iordanııa🇯🇴), Middle East University (MNU) (Iordanııa🇯🇴), Saudi Press Agency (Saýd Arabııasy🇸🇦), QNA (Qatar🇶🇦), ANIA (TMD aqparat keńesi), Agenzia Nova (Italııa🇮🇹), IRNA (Iran🇮 🇷), Fakti.bg (Eýropa🇪🇺) bar.