Neırohırýrgııa respýblıkalyq ǵylymı ortalyǵynda emdeýdiń 30 shaqty ınnovatsııalyq ádisi engizildi
ASTANA 8 naýryz. QazAqparat - Neırohırýrgııa respýblıkalyq ǵylymı ortalyǵynda 2009 jyldan beri 30 shaqty ınnovatsııalyq tehnologııa engizildi,
dep habarlady Ortalyqtyń bas dırektory Serik Aqsholaqov. pm.kz saıtyna.
«3 jylda emhanada 30-dan astam ınnovatsııalyq tehnologııa ıgerildi, olardyń birqatary Ortalyq Azııada tuńǵysh ret engizilip otyr», - dedi S.Aqsholaqov.
Oǵan qosa, byltyr Qazaqstanda alǵash ret týa bitken patologııasy bar shaqalaqtardy hırýrgııalyq emdeý jónindegi 20 shaqty operatsııa jasaldy. S.Aqsholaqovtyń aıtýynsha, buryn shetelge barýdy qajet etetin operatsııalardyń barlyǵy búginde ortalyqta jasalady.
«3 jyldyń ishinde túrli patologııasy bar 300-den astam adamǵa operatsııa jasaldy», - dep atap kórsetti ortalyq dırektory óz sózinde.
Onyń aıtýynsha, emhanada epılepsııanyń aýyr patologııasyn emdeýdiń jańadan engizilgen ádistemesi boıynsha 7 operatsııa sátti jasaldy, al 2012 jyly stereotaksıkalyq operatsııalardy engizý josparlanýda.
