Neırohırýrg Serik Aqsholaqov Aqtóbe oblysynyń qurmetti azamaty atandy
Aqtóbede «Táýelsizdik túletken Máńgilik el» atty merekelik shara marapatqa toly boldy. Aqtóbe oblysynyń qurmetti azamaty ataǵyn Ulttyq neırohırýrgııa ortalyǵynyń basshysy Serik Aqsholaqov, oblystyq ardagerler keńesiniń tóraǵasy Keńes Birmanov, oblystyq máslıhat hatshysy Sánııa Qaldyǵulova jáne «Qazhrom» TUK» AQ prezıdenti Vıktor Tıl aldy.
Aıta keteıik, neırohırýrg Serik Aqsholaqov Aqtóbede ótken «Týǵan jer» forýmyna qatysyp, julyn isigine ota jasaǵan bolatyn. Al «Týǵan jerim - tiregim» aktsııasy kezinde Aqtóbege kelip, arnaıy kezdesý ótkizdi. Sol kezde dáriger-neırohırýrg oblys ákimi Berdibek Saparbaev syıǵa tartý etken kólikti Aqtóbe oblystyq jedel járdem aýrýhanasyna berip ketti. Aqtóbe oblysy, Shalqar aýdanynda týyp-ósken neırohırýrg búgin óz jerinde oblystyń qurmetti azamaty atandy.
«Táýelsizdik kúni qutty bolsyn! Bul - qazaq úshin eń qundy, eń baǵaly kún. Keshe ǵana Elordamyzda táýelsizdik kúnine arnalǵan arnaıy kesh ótti. Búgin Aqtóbede úlken jıyn ótip jatyr. Bizdiń maqsatymyz aıqyn. Qazaqstan damyǵan 30 eldiń qataryna kirýi tıis. Sol úshin aıanbaı eńbek etemiz»,- dedi neırohırýrg Serik Aqsholaqov.
