Neırohırýrg Myńjylqy Berdiqojaev iskerlik ákimshilendirý magıstri atandy

QR PІB Medortalyǵy aýrýhanasy dırektorynyń hırýrgııa jónindegi orynbasary Myńjylqy Berdiqojaev AlmaU Joǵarǵy bıznes mektebinde «Densaýlyq saqtaý menedjmenti» baǵdarlamasy boıynsha Іskerlik ákimshilendirý magıstri atandy, dep habarlaıdy Kazinform.

«Medıtsınanyń qaryshtap damýymen qatar, mamandar da úzdiksiz bilimin jetildirip otyrýy kerek, bul - zaman talaby. Osy oraıda, QR PІB Medortalyǵynyń dárigerleri osy talap údesinen kórinýge tyrysyp keledi. Medortalyq aýrýhanasy dırektorynyń hırýrgııa jónindegi orynbasary Myńjylqy Berdiqojaev AlmaU Joǵarǵy bıznes mektebinde «Densaýlyq saqtaý menedjmenti» baǵdarlamasy boıynsha Іskerlik ákimshilendirý magıstri atandy», - dep jazdy QR PІB áleýmettik jelidegi paraqshasynda.

Neırohırýrg Myńjylqy Saılaýuly eńbek jolyn QR PІB Medortalyǵy aýrýhanasynda ınterventsııalyq neıroradıolog bolyp bastaǵan. Medortalyqtyń Ortalyq klınıkalyq aýrýhanasyndaǵy neırohırýrgııa ortalyǵyn basqarǵan. 

Ol ár jyldary tıisti mınıstrliktiń «Densaýlyq saqtaý isiniń úzdigi», Qazaqstan halqy assambleıasynyń «Meıirim», sondaı-aq «Altyn dáriger», «COVID-19 janqııarlyq kúresi úshin» tósbelgilerimen marapattalǵan.